L’Assemblada Occitana Valadas deplora l’eliminacion de la tèrça edicion del telejornal regional dins la programacion RAI
Nosautres de l’Assemblada Occitana Valadas deploram l’eliminacion de la tèrça edicion del telejornal regional dins la programacion RAI.
Sabèm ben que las escotas son reduchas mas creèm que chal variar l’ofèrta en luòc de l’eliminar. Dins aqueste sens prepausam d’utilizar una edicion del telejornal en favor de la conoissença de las minoranças lingüisticas protegias per la lei 482/33 e que son presentas en Piemont!
Coma ditz la constitucion italiana a l’article 6: “la Republica protegís amb la nòrmas adeqüatas las minoranças lingüisticas”. Quin instrument melhor qu’una edicion en lenga occitana per protegir la nòstra minorança lingüistica?
Observam coma i a de minoranças lingüisticas que ja an una votz dins l’edicion regionala de la tèrça chaena, basta de pensar a l’eslovèn o a l’alemand!
Criam donc los directors, los redactors e totes los jornalistas del telejornal de Piemont per que façan abans!
Defendètz la tèrça edicion, defendètz las minoranças lingüisticas!
