by Uèi volèm rendre omenatge a una granda figura politica de nòstras valadas, en particular de la Val Vermenagna, lo senator del reialme Spirito Riberi. Spirito Riberi siguèc membre del parlament italian pendent 3 mandats e foguèt nomenat senator del Reialme en 1882.
Spirito Riberi siguèc un politic qu’oblidèc jamès son territòri e portèc los besonhs del pòble de la Valada a Turin, Florença e Roma amb una volontat infatigabla. Èra un fervent partisan del besonh de crear una artèria ferroviària religant lo Piemont a Provença e a la Rivièra ligura (la via Coni-Niça). Defendèc sa teoria e cerquèc de finançaments per sa realizacion.
Tanben siguèc un protagonista dels actes que celebravan la dobertura de la galariá Tenda en Vievola. Foguèt pas capable de veire amb sos uèlhs lo sòmi de sa vita (l’arribaa del tren a Niça) coma moriguèc abans l’eveniment.
Utilizam aquela premissa per lançar un apèl fòrt als politics locals actuals a seguir lor exemple e s’engatjar plenament a la realizacion dels trabalhs que son necessaris uèi lo jorn.
