by L’Assemblada Occitana Valadas e l’Unione Valli Alpine aplaudisson la dobertura al Borg d’un destacament de pompièrs dins l’edifici qu’èra la casèrna de l’armaa.
Per èsser vitals, los territòris e las zònas marginalas coma las Valadas Occitanas an besonh de servicis adeqüats. E aquela accion va sens dobte dins aquela direccion.
Los Pompièrs son un còrs fondamental pel salvament e la prevencion en tot luòc. Dins las zònas marginalas la rarefaccion de la preséncia d’aquela garnison importanta –coma la rarefaccion de cada servici– se sentís mai dins sas consequéncias a causa dels quilomètres que separan las nautas vals de las bassas vals, de quilomètres que demandan de temps per èsser percorruts, de temps de còps essencial per frenar una urgéncia.
L’Assemblada Occitana Valadas e l’Unione Valli Alpine creson essencial de metre en plaça la preséncia de totas aquelas installacions e servicis que son una condicion indispensabla per s’assegurar que nòstres territòris sián vius uèi e deman.
Fòto: Elborgo
