Omenatge a Dòn Jòrdi Pepino que nos quitèc fai 11 ans
Dins l’onzen anniversari de la mòrt de Dòn Jòrdi Pepino (27 de març de1927-2 d’abril de 2011) lo volèm recordar.
Dòn Jòrdi nasquèc a Rocavion (Val Vermenanha) lo 27 de març de 1927 d’una familha païsana.
Quand èra ben jove entrèc en seminari a Coni e i passèc totes los ans d’estudi fins que l’ordenèron prèire en 1951. Sa primiera charja foguèc a Bueves (Val Pes) fins en 1958 quand lo nomenèron prèire a Chastèlmanh ont organizèc los primiers camps e las primieras jornaas amb los joves e per eles.
Una granda part de sa vida sacerdotala, de tot biais, la visquèc entre Valgrana e Santa Anna de Vinai. A Valgrana foguèc prèire de 1966 fins a s partença per Santa Anna de Vinai ont foguèc rector de 1968 fins a la fin de sos jorns terrèstres. A Valgrana, ont es enterrat, laissèc una recòrd grandiós mentre que la màger part de son trabalh la faguèc al santuari de Sant Anna de Vinau (en auta Val d’Estura).
A Santa Anna, luòc de confinha pesantament prafat e militarizat durant la Segonda Guperra Mondiala, Dòn Jòrdi aqueriguèc e restructurèc ben de casèrnas inutilizaas en lor donant un lustre nòu e una vida, que chal recordar en particular la maison Sant Joaquim que, d’un ospici ancian e abandonat, se restructurèc e devenguèc un luòc modèrne d’aculhença per los joves que chasque an se gandisson a Santa Anna en camping!
Ben d’autras casèrnas son estaas transformaas per Dòn pepino en refugis alpencs. En mai d’aquò, es de recordar lo Monument a la Patz construch sus una ròcha pichona près del santuari amb de material de guèrra trobat dins los entorns del santuari.
Dòn Jòrgi aviá costuma d’organizar, a l’ocasion de la vòta del santuari, la messa “transnacionala” amb los evesques de Coni, Niça e Mónegue.
Dòn Jòrdi èra un grand apassionat de nòstras montanhas, un alpinista confirmat (qu’escalèc un baron de viatges lo Mont Vísol) e foguèc un pionier dins fòrça domenis del torisme e dels campatges per los joves.
Es un exemple per los joves de nòstra valadas.
Nos remembram de Dòna Jòrdi Pepino amb afeccion!
