Tractat del Quirinal: ben per la macroregion, mas chal que siá occitana!

Nosautres de l’Assemblada Occitana Valadas nos rejauvissèm del fach que dins lo rescòntre entre estat italian e estat francés, del 26 de novembre passat, se siá tornat parlar de las macroregions europèas, amb una referéncia particulara a Alpazur (la macroregion comprenent las províncias de Coni, Turin, Impèria e Niça). Dins l’article 10 del tractat se reconeis l’eschambi economic e cultural qu’es important (e objectiu) dins la zòna de frontiera.

Lo tractat prevei un refortiment del bilingüisme (totun pas coma l’esprovam nosautres, mas solament amb las lengas centralistas).

La reconeissença de la macroregion, se s’aplica, es un pas important endavant, pasmens remarcam que las províncias en question son pas (totas) unicament occitanas.

Dins la macroregion, se voudriá aumentar pereu l’aspècte cultural mas avèm paur que se parle solament de las culturas estatalas e non de las minoritats lingüisticas…

En tot cas, espincham amb atencion l’evolucion de la situacion.

Daissar un comentari

Vòstra adreça de messatjariá serà pas publicada.