by A quatre jorns a pena de la dobertura anonciaa del tunèl de Tenda (que rejonh las Valadas Occitanas de l’estat italian fins en Provença a travèrs de la Val Vermenanha e de la Val Ròia), los govèrns an decidit un novèl repòrt.
Lo pòble de las Valadas se sent traït. Siam pas capables d’avalorar las condicions de seguretat realas per las qualas Itàlia a demandat la dobertura. Èra clar que sens las condicions de seguretat i poiriá pas aver de fuòc verd. Consideram lo remandament de responsabilitats entre Itàlia e França coma escandalós.
Amb un modèl autenticament autonomista, federalista e occitanista, sabèm pas se lo Tunèl de Tenda seriá estat dobèrt, mas siam segurs que la responsabilitat es de cerchar dins las decisions e, sobretot, dins las illusions creaas dins nòstras tèrras amb d’ajornaments continús.
Siam convencuts qu’amb un poer verament decisional dels territòris i auriá mai de clartat.
Roma e París, arrestatz de vos trufar de nosautres! Amb aquela darriera trufariá creèm que nos chal auçar la votz!
AUTONOMIA PER NÒSTRES TERRITÒRIS!
LAS INFRASTRUCTURAS SE DEVON DECIDIR DINS LO TERRITÒRI!
Fòto: Markus Schweiss
