Alcar di Vaie: arrestem lo silenci mediaticopolitic!

Nosautres de l’Assemblada Occitana Valadas desaprovam lo licenciament de la mitat dels emplejats de l’èx-Alcar di Vaie. Dins aquesta empresa trabalhan fòrça èx-residents de las comunas occitanas de la Val d’Ors (Auta Val de Susa).

Remarcam coma lo nòu plan industrial prevei lo licenciament de la mitat dels emplejats (sus un total de 125 emplejats ne restaràn aperaquí 50, segon de fònts intèrnas). Aquesta enena pèrda d’emplecs es inacceptabla. Contestam lo silenci dels mèdias e de las fòrças politicas sus la question, que crenhèm que s’interèssen pas a Alcar di Vaie, pas tant a causa de l’impacte sòcioeconomic menor, mas sustot a causa de sa marginalitat territoriala e electorala.

Recordam amb desaise coma, decò, i a agut un silenci tombal sus l’empresa Caffarel de Lusèrna Sant Joan.

NÒSTRAS VALADAS SE REANIMARÀN SE I A DE TRABALH!

L’ASSEMBLADA OCCITANA VALADAS, AL COSTAT DELS TRABALHAORS D’ALCAR DI VAIE!

Daissar un comentari

Vòstra adreça de messatjariá serà pas publicada.