N’i a pron de se garçar dals montanhòls

Nosautres de l’Assemblada Occitana Valadas aprovam las iniciativas que sostenon lo repoblament de las nòstras valaas que patisson dempuèi de decènnis un fòrt despoblament.

Pasmens, comprenèm pas lo perqué de las iniciativas pontualas coma las de l’apèl d’ofèrta qu’atribuissiá 40 000€ a los que decidèsson de d’installar en montanha, quand en realitat son tanben finançaas d’installacions dins las còlas per non dire sus la plana.

Segon las convencions europèas, un territòri de montanha designa un relèu superior a 600 mètres, mentre qu’aquesta anonci distribuís de fonds tanben a de comunas de la plana.

Consideram qu’es una ofensa a los que vivon en montanha que d’afectar de fonds a de comunas situaas sus una autessa de 275 mètres.

Lo que proclama « la montanha torna viure! » lo deuriá explicar a nosautres montanhòls!!!