Lo 24 d’abriu: nòva manifestacion per la linha Cuni-Niça. Nòstre sosten es demandat!
L’Assemblada Occitana Valadas es lèsta de sostenir l’iniciativa dal 24 d’abriu! Çai sota lo comunicat dal comitat organizaor de la manifestacion!
DIMÉNEGUE 24 d’abriu de 2022 lo Comitat Espontanèu “Tren & Parc per Euròpa” tornarà manifestar per obtenir lo renforçament de la linha ferroviària “Cuni-Ventimiglia-Niça” e lo consolidament dal Parc Europèu Maritim- Mercantor, coma fonds de desvolopament per una corrècta transicion ecologica dal territòri comprés de las valadas Vermenhana (Itàlia) e Ròia (França). En particular, lo diménegue 24 d’abriu se manifestarà per l’aplicacion immediata de las 4 paras de trens entre Cuni, Ventimiglia e Niça. En fach, en seguia de la demanda de la Region Piemont, lo Territòri amb los pròpris Cònsols que lo representan, s’es exprimit en favor d’aquela opcion dempuei junh dal 2022. Lo Comitat Espontanèu, amb sos Volontaris expèrts en matèria de linhas ferroviàrias, a tanben elaborat un orari especific, dins lo respècte maxim possible de las correspondéncia amb las dificultats impausaas per las bassas velocitats actualas, orari consignat al Cònsol e que anarà a l’examen dals oficis competents regionals e de Trenitalia. Dins l’espèra d’una respòsta, lo diménegue 24 d’abriu, manifestarem a FONTAN, viatjant en TREN, tot en estent conscients de l’extrèma dificultat d’anar e tornar en jornada amb lo tren dempuei aquela localitat, còmpte tengut de la manca de trens especials a d’oraris acceptables. De mai, per lo moment e per longtemps encara, après la desastrosa tempèsta Alèx d’octòbre de 2020, i a pas d’alternativa al tren per rajónher Ventimiglia dempuei la valada de la Ròia. Aproficherem de la jornaa per participar a una bèla excursion a pè en partença de Fontan dins la valaa de Groa organizaa per la Vila de Ventimiglia e d’autres, ont l’aficha e joncha.
Per più informazioni contattare MARIO DALMASSO (338 2059615)
