Facturas d’electricitat e de gas: chal intervenir per protegir la montanha!

Nosautres de l’Assemblada Occitana Valadas prenèm posicion sus l’anonci de l’aument de las facturas d’electricitat (40%) e de gas (20%).

Pensam racionalament que, sens una intervencion del govèrn, l’aument fraparà mai que mai las zònas de montanha (coma las Valadas Occitanas): per aquesta rason chal una decision del govèrn per plafonar los prètz.

Sostenèm l’intervencion en favor dels paures mas es necessària tanben una intervencion en favor de la montanha. Dins de zònas que i a, lo chaufatge domestic se pòt pas mai restrénher! L’energia electrica e lo gas que venon mai chars devon pas èsser un baston de mai per favorizar lo despoblament de nòstras Valadas.

Sostenèm l’evolucion ecologica e prepausam donc, per aquò faire: la construccion de minicentralas idroelectricas (qu’en mai d’aquò poirián remplaçar las installacions enòrmas còntra la secharesa) e la construccion d’usinas fotovoltaïcas (tanben de nòva generacion, que se recharjan amb un cèl nivolós), non pas dins la tèrras que se pòon cultivar mas sus las teulissas dels edificis ja existents. Ansin se poiriá produire d’energia a bòn merchat e mens impactanta sus lo clima.

Per favorizar aquesta evolucion verda, totun es necessari un plan economic amb d’incitacions fòrtas. Mai que mai i chal creire per o faire.

Ramentam lo besonh d’una intervencion urgenta…

L’Assemblada Occitana Valadas, del costat dels occitans, sempre!