Que s’arrèste de barrar las bancas dins nòstres territòris!

Nosautres de l’assemblada Occitana Valadas trobam intolerable que se contunhe de barrar de bancas dins los territòris de montanha coma las nòstras Valadas!

Aquestes darriers mes, se nòta qu’an barrat las bancas d’Ormea! Dins los darriers jorns s’es apondua una autra notícia amb la barraüra del portisson bancomat a Pinascha! Los servicis minimals los chal salvar! Tanben, las comunas devon intervenir sobre la manca de difusion massissa, aicí, de las formulas de paiament en linha!

Fasèm apèl a las bancas de crèdit cooperatiu per fin que remplacen los grops internacionals dins los vilatjons. S’una banca vòl èsser del terraire (e las BCC ne son), deu protegir e defendre los terraires.

Creèm qu’es fondamental que, pertot ont las bancas barran, las chal remplaçar per un servici postal refortit.

L’Assemblada Occitana Valadas del costat dels occitans, sempre!

Daissar un comentari

Vòstra adreça de messatjariá serà pas publicada.