febrièr 17, 2025

Lo 26 de genier vos tornam conviar a expausar la bandiera occitana a las fenèstras de nòstras maisons

Aqueste an es lo cinquen an que l’Assemblada Occitana Valadas organiza aqueste eveniment, un eveniment simple que requerís pas d’engatjament mas que demanda a chascun de nosautres de demostrar l’amor per nòstras Valadas Occitanas! Aqueste an decò avèm lo sosten de nòstres vesins del País Niçard, amb lor eveniment organizat per l’Assemblada Occitana País Niçard.

Ren qu’en demostrant l’estachament a nòstras tèrras las poèm defendre!

Una maison, una bandiera occitana per arrestar lo valicidi!

L’eveniment de l’exposicion de las bandieras, de bèl avant, es un acte qu’ausarem apelar «istoric», e qu’arriba d’efiech aqueste an a la cinquena edicion.

Lo 26 de genier defendam nòstras Valadas! Defendam Occitània, demostrem qu’amam nòstra tèrra! Expausem totes las bandieras occitanas!

Dimenge, chasque vilatge, chasca borjaa deu èsser un ondejament de bandieras occitanas, perque devèm dire a votz fòrta e auta «Volèm viure al país!»

Daissar un comentari

Vòstra adreça de messatjariá serà pas publicada. Los camps obligatòris son indicats amb *