Eleccions administrativas: l’Assemblada Ocitana Valadas a presentat una sèria de demandas als candidats cònsols màgers dins las comunas occitanas

Nosautres de l’Assemblada Occitana Valadas, en vista del torn electoral ja imminent, avèm presentat una sèria de demandas als candidats cònsols màgers de las comunas occitanas.

Avèm contactat:

  • Domenge Amorisco e Albèrt Anello per Chastèldalfin
  • 2 candidats del Mèl
  • La lista Progetto Paese de Gravere
  • Lo candidat Gabrièl Lice de Prats
  • Los candidats de Vaudier.

An respondut:

  • Domenge Amorisco (Chastèldalfin)
  • Gabrièl Sarale (lo Mèl)
  • Gabrièl Lice (Prats)
  • Lo candidat cònsol màger per la lista Progetto Paese de Gravere
  • A Draonier, las 4 listas en corsa an mostrat una sensibilitat a nòstras demandas.

Notam lo sosten substancial a las instàncias occitanistas de part d’aqueles qu’an respondut.

Las demandas presentaas èran la seguentas.

  1. Sabètz que vòstra comuna a aderit a la lei 482/99?
  2. Sabètz que la comuna que i siatz candidats fa partia de la minorança etnolingüistica occitana?
  3. Vòstra lista es dispausaa a defendre la lenga, las tradicions e la cultura occitanas?
  4. Dins los ans ont seretz administraires de vòstra comuna, promouretz l’ensenhament de la lenga e de la cultura occitana dins l’ensenhament escolar?
  5. Vòstra comuna a ja la dobla demonimacion occitana e italiana?
  6. Siatz prèsts a autorizar los conselhiers comunals a parlar en lenga d’òc dins los conselhs comunals?
  7. Vos engatjatz a prepausar una mocion per la creacion d’una província autonòma de las Valadas Occitanas de la Region de Piemont?

Coma o avèm ja dich, aqueles que respòndon se dison totes disponibles mas rescòntran de dificultats tecnicas (coma l’abséncia d’escòlas publicas dins los territòris comunals o l’impossibilitat de transcriure los tèxts en occitan per los secretaris que son pas de l’endrech).

Senhalam qu’a Chastèldalfin, ont nòstre sosten va a Domenge Amorisco, la lista d’Anello a esbossat quicòm sus la cultura occitana dins lo programa.

Dins las autras comunas citaas, lo sosten de l’Assemblada Occitana Valadas va a qual a respondut!

Daissar un comentari

Vòstra adreça de messatjariá serà pas publicada.